Ultimate magazine theme for WordPress.

“ПЛАЧ ПОКАЯННЫЙ” святителя Тихона Задонского – при унынии, депрессии, отчаянии, гордыне, зависти, раскаянии

0 33

«Боже, будь милостив к нам и благослови нас, яви нам светлое лице Твое и помилуй нас. Да познаем на земле путь Твой, спасение Твое, являемое пред лицом всех народов» (Пс. 66:2–3). Аминь.

Содержание статьи:

«Плач покаянный» – это молитвенное произведение, составленное лично святителем и Чудотворцем Тихоном Задонским (1724 – 1783). Еще раз подчеркну, что владыка был именно составителем, поскольку «Плач» состоит из отрывков псалмов Псалтири Давида.

Свт. Тихон Задонский: «Всякого греха как смертоносного яда берегись, поскольку всякий грех великого Бога оскорбляет и прогневляет». Источник: https://mitropolia-lip.ru/journal/molitvy-kanony-.akafisty/plach-pokayannyy-izhe-vo-svyatyh-otca-nashego-tihona-zadonskagoСвт. Тихон Задонский: «Всякого греха как смертоносного яда берегись, поскольку всякий грех великого Бога оскорбляет и прогневляет». Источник: https://mitropolia-lip.ru/journal/molitvy-kanony-.akafisty/plach-pokayannyy-izhe-vo-svyatyh-otca-nashego-tihona-zadonskago

В связи с чем сам собой напрашивается вопрос: а что же эти отрывки объединяет? Только одно – мощный покаянный настрой. Потому и сама молитва называется «Плач покаянный».

Кстати, молитва святителя – достойная замена молитве из традиционного молитвослова. Подчеркиваю это специально для тех, кто из страха наткнуться на молитву-подделку читает исключительно молитвослов.

Любопытно, что история «Плача» связана с личными переживаниями святителя Тихона Задонского, страдавшего от уныния. Невозможно не заметить, что, создавая молитву, он выбирал самые впечатляющие места псалмов.

Вот почему «Плач покаяния» – настоящее спасение для тех, кто страдает от уныния, отчаяния, депрессии, при стрессе и так далее. Людям, подверженным подобным состояниям, можно обращаться и к самому святителю Тихону Задонскому, который и на Небесах всегда готов помочь.

Плач покаяния

Глаголы моя внуши, Господи, разумей звание мое. Вонми гласу моления моего, Царю мой и Боже мой, яко к Тебе помолюся, Господи. Заутра услыши глас мой, заутра предстану Ти, и узриши мя. (Пс.5:2-4)

Припев: Помилуй мя, Боже, помилуй мя.

Господи, да не яростию Твоею обличиши мене, ниже гневом Твоим накажеши мене. Помилуй мя, Господи, яко немощен есмь, исцели мя, Господи, яко смятошася кости моя. И душа моя смятеся зело; и Ты, Господи, доколе? Обратися, Господи, избави душу мою; спаси мя ради милости Твоея. Яко несть в смерти поминаяй Тебе; во аде же кто исповестся Тебе? (Пс.6:2-6.)

Воскресни, Господи, Боже мой, да вознесется рука Твоя, не забуди убогих Твоих до конца (Пс.9:33.)

Ты, Господи, сохраниши ны и соблюдеши ны от рода сего и во век (Пс.11:8).

Призри, услыши мя, Господи, Боже мой, просвети очи мои, да не когда усну в смерть, да не когда речет враг мой: укрепихся на него. Стужающии ми возрадуются, аще подвижуся. Аз же на милость Твою уповах. Возрадуется сердце мое о спасении Твоем, воспою Господеви, благодеявшему мне, и пою имени Господа Вышняго (Пс.12:4-7).

Соверши стопы моя во стезях Твоих, да не подвижутся стопы моя (Пс.16:5).

Удиви милости Твоя, спасаяй уповающыя на Тя от противящихся деснице Твоей. Сохрани мя, Господи, яко зеницу ока, в крове крилу Твоею покрыеши мя, от лица нечестивых, острастших мя. Врази мои душу мою одержаша, тук свой затвориша, уста их глаголаша гордыню. Изгонящии мя ныне обыдоша мя, очи свои возложиша уклонити на землю. Объяша мя, яко лев готов на лов, и яко скимен, обитаяй в тайных. Воскресни, Господи, предвари я, и запни им, избави душу мою от нечестиваго, оружие Твое от враг руки Твоея (Пс.16:7-13).

Грехопадения кто разумеет? От тайных моих очисти мя, и от чуждих пощади раба Твоего (Пс.18:13).

Ты же во Святем живеши, хвало Израилева. На Тя уповаша отцы наши, уповаша и избавил еси я. К Тебе воззваша, и спасошася, на Тя уповаша, и не постыдешася (Пс.21:4-6).

Да не отступиши от мене, яко скорбь близ, яко несть помогаяй ми (Пс.21:12).

Господи, не удали помощь Твою от мене, на заступление мое вонми. Избави от оружия душу мою, и из руки песии единородную мою. Спаси мя от уст Львовых и от рог единорожь смирение мое (Пс.21:20-22).

Помяни щедроты Твоя, Господи, и милости Твоя, яко от века суть. Грех юности моея и неведения моего не помяни, по милости Твоей помяни мя Ты, ради благости Твоея, Господи (Пс.24:6-7).

Скорби сердца моего умножишася, от нужд моих изведи мя. Виждь смирение мое и труд мой, и остави вся грехи моя. Виждь враги моя, яко умножишася (Пс.24:17-19).

Сохрани душу мою, и избави мя, да не постыжуся, яко уповах на Тя (Пс.24:20).

Услыши, Господи, глас мой, имже воззвах: помилуй мя и услыши мя. Тебе рече сердце мое: Господа взыщу. Взыска Тебе лице мое, лица Твоего, Господи, взыщу. Не отврати лица Твоего от мене и не уклонися гневом от раба Твоего; помощник мой буди, не отрини мене, и не остави мене, Боже, Спасителю мой. Яко отец мой и мати моя остависта мя, Господь же восприят мя. Законоположи ми, Господи, в пути Твоем, и настави мя на стезю правую враг моих ради. Не предаждь мене в душы стужающих ми: яко воссташа на мя свидетеле неправеднии, и солга неправда себе. Верую видети благая Господня на земли живых. Потерпи Господа, мужайся, и да крепится сердце твое, и потерпи Господа (Пс.26:7-14).

На Тя, Господи, уповах, да не постыжуся во век: правдою Твоею избави мя и изми мя. Приклони ко мне ухо Твое, ускори изъяти мя: буди ми в Бога Защитителя и в дом прибежища, еже спасти мя. Яко держава моя и прибежище мое еси Ты, и имене Твоего ради наставиши мя и препитаеши мя. Изведеши мя от сети сея, юже скрыша ми: яко Ты еси Защититель мой, Господи. В руце Твои предложу дух мой: избавил мя еси, Господи Боже истины. Возненавидел еси хранящыя суеты вотще; аз же на Господа уповах. Возрадуюся и возвеселюся о милости Твоей, яко призрел еси на смирение мое, спасл еси от нужд душу мою (Пс.30:1-8).

К Тебе, Господи, воззову, Боже мой, да не премолчиши от мене, да не когда премолчиши от мене, и уподоблюся низходящым в ров. Услыши, Господи, глас моления моего, внегда молити ми ся к Тебе, внегда воздети ми руце мои к храму святому Твоему. Не привлецы мене со грешники и с делающими неправду не погуби мене, глаголющими мир с ближними своими, злая же в сердцах своих (Пс.27:1-3).

Просвети лице Твое на раба Твоего, спаси мя милостию Твоею. Господи, да не постыжуся, яко призвах Тя (Пс.30:17-18).

Ты еси прибежище мое от скорби, обдержащия мя: радосте моя, избави мя от обышедших мя (Пс.31:7).

Яко беззакония моя превзыдоша главу мою, яко бремя тяжкое отяготеша на мне.

Возсмердеша и согниша раны моя от лица безумия моего. Пострадах и слякохся до конца, весь день сетуя хождах (Пс.37:5-7).

Господи, пред Тобою все желание мое, и воздыхание мое от Тебе не утаися. Сердце мое смятеся, остави мя сила моя, и свет очию моею, и той несть со мною (Пс.37:10-11).

Не остави мене, Господи Боже мой, не отступи от мене. Вонми в помощь мою, Господи спасения моего (Пс.37:22).

Одержаша мя злая, имже несть числа, постигоша мя беззакония моя, и не возмогох зрети, умножишася паче влас главы моея, и сердце мое остави мя. Благоволи, Господи, избавити мя: Господи, во еже помощи ми вонми. Да постыдятся и посрамятся вкупе ищущии душу мою изъяти ю, да возвратятся вспять и постыдятся хотящии ми злая. Да приимут абие студ свой глаголющии ми: благоже, благоже. Да возрадуются и возвеселятся о Тебе вси ищущии Тебе, Господи, и да рекут выну: да возвеличится Господь, любящии спасение Твое. Аз же нищ есмь и убог, Господь попечется о мне. Помощник мой и Защититель мой еси Ты, Боже мой, не закосни (Пс.39:13-18).

Услыши ны, Боже, Спасителю наш, упование всех концев земли, и сущих в мори далече (Пс.64:6).

Боже, ущедри ны и благослови ны, просвети лице Твое на ны и помилуй ны (Пс.66:2).

Спаси, мя, Боже, яко внидоша воды до души моея. Углебох в тимении глубины, и несть постояния. Приидох во глубины морския, и буря потопи мя (Пс.68:2-3).

Услыши мя, Господи, яко блага милость Твоя: по множеству щедрот Твоих призри на мя. Не отврати лица Твоего от отрока Твоего, яко скорблю, скоро услыши мя. Вонми души моей, и избави ю (Пс.68:17-19).

Не отвержи мене во время старости: внегда оскудевати крепости моей, не остави мене. Яко реша врази мои мне, и стрегущии душу мою совещаша вкупе, глаголюще: Бог оставил есть его, пожените и имите его, яко несть избавляяй. Боже мой, не удалися от мене, Боже мой, в помощь мою вонми. Да постыдятся и исчезнут оклеветающии душу мою, да облекутся в студ и срам ищущии злая мне (Пс.70:9-13).

Что бо ми есть на небеси? И от Тебе что восхотех на земли? Исчезе сердце мое и плоть моя, Боже сердца моего, и часть моя, Боже, во век (Пс.72:25-26).

Да не возвратится смиренный посрамлен, нищ и убог восхвалита имя Твое. Востани, Боже, суди прю Твою, помяни поношение Твое, еже от безумнаго весь день. Не забуди гласа молитвенник Твоих, гордыня ненавидящих Тя взыде выну (Пс.73:21-23).

Не помяни наших беззаконий первых: скоро да предварят ны щедроты Твоя, Господи, яко обнищахом зело. Помози нам, Боже, Спасителю наш, славы ради имени Твоего, Господи, избави ны, и очисти грехи наша имене ради Твоего (Пс.78:8-9).

Воздвигни силу Твою и прииди во еже спасти нас. Боже, обрати ны и просвети лице Твое, и спасемся (Пс.79:3-4).

Благоволил еси, Господи, землю Твою, возвратил еси плен Иаковль, оставил еси беззакония людей Твоих, покрыл еси вся грехи их. Укротил еси весь гнев Твой, возвратился еси от гнева ярости Твоея. Возврати нас, Боже спасений наших, и отврати ярость Твою от нас. Еда во веки прогневаешися на ны? Или простреши гнев Твой от рода в род? Боже, Ты, обращься, оживиши ны, и людие Твои возвеселятся о Тебе. Яви нам, Господи, милость Твою, и спасение Твое даждь нам. Услышу, что речет о мне Господь Бог: яко речет мир на люди Своя и на преподобныя Своя, и на обращающыя сердца к Нему (Пс.84:2-9).

Господи Боже спасения моего, во дни воззвах и в нощи пред Тобою: да внидет пред Тя молитва моя, приклони ухо Твое к молению моему. Яко исполнися зол душа моя, и живот мой аду приближися (Пс.87:2-3).

Приклони, Господи, ухо Твое, и услыши мя, яко нищ и убог есмь аз (Пс.85:1).

Кто весть державу гнева Твоего, и от страха Твоего ярость Твою исчести? Десницу Твою тако скажи ми, и окованныя сердцем в мудрости. Обратися, Господи, доколе? И умолен буди на рабы Твоя (Пс.89:11-13).

Господи, услыши молитву мою, и вопль мой к Тебе да приидет. Не отврати лица Твоего от мене; воньже аще день скорблю, приклони ко мне ухо Твое; воньже аще день призову Тя, скоро услыши мя. Яко исчезоша яко дым дние мои, и кости моя яко сушило сосхошася (Пс.101:2-4).

Открый очи мои, и уразумею чудеса от закона Твоего. Пришлец аз есмь на земли, не скрый от мене заповеди Твоя (Пс.118:18-19).

Воздрема душа моя от уныния, утверди мя в словесех Твоих. Путь неправды отстави от мене, и законом Твоим помилуй мя (Пс.118:28-29).

Путь оправданий Твоих вразуми ми, и поглумлюся в чудесех Твоих (Пс.118:27).

Вразуми мя, и испытаю закон Твой, и сохраню и всем сердцем моим. Настави мя на стезю заповедей Твоих, яко тую восхотех. Приклони сердце мое во свидения Твоя, а не в лихоимство. Отврати очи мои, еже не видети суеты, в пути Твоем живи мя. Постави рабу Твоему слово Твое в страх Твой. И да приидет на мя милость Твоя, Господи, спасение Твое по словеси Твоему (Пс.118:34-37, 41).

Помолихся лицу Твоему всем сердцем моим: помилуй мя по словеси Твоему. Милости Твоея, Господи, исполнь земля, оправданием Твоим научи мя (Пс.118:58, 64).

Благости и наказанию, и разуму научи мя, яко заповедем Твоим веровах (Пс.118:66).

Благ еси Ты, Господи, и благостию Твоею научи мя оправданием Твоим (Пс.118:68).

Руце Твои сотвористе мя, и создасте мя: вразуми мя, и научуся заповедем Твоим (Пс.118:73).

Буди же милость Твоя да утешит мя по словеси Твоему рабу Твоему. Да приидут мне щедроты Твоя, и жив буду, яко закон Твой поучение мое есть (Пс.118:76-77).

Буди сердце мое непорочно во оправданиих Твоих, яко да не постыжуся (Пс.118:80).

Твой есмь аз, спаси мя, яко оправданий Твоих взысках (Пс.118:94).

Заступи мя по словеси Твоему, и жив буду, и не посрами мене от чаяния моего; помози ми, и спасуся, и поучуся во оправданиях Твоих выну (Пс.118:116-117).

Призри на мя и помилуй мя, по суду любящих имя Твое. Стопы моя направи по словеси Твоему, и да не обладает мною всякое беззаконие. Избави мя от клеветы человеческия, и сохраню заповеди Твоя. Лице Твое просвети на раба Твоего и научи мя оправданием Твоим (Пс.118:132-135).

Воззвах всем сердцем моим, услыши мя, Господи, оправдания Твоя взыщу. Воззвах Ти, спаси мя, и сохраню свидения Твоя. Глас мой услыши, Господи, по милости Твоей, по судьбе Твоей живи мя (Пс.118:145-146, 149).

Да приближится моление мое пред Тя, Господи, по словеси Твоему вразуми мя. Да внидет прошение мое пред Тя, Господи, по словеси Твоему избави мя. Отрыгнут устне мои пение, егда научиши мя оправданием Твоим. Провещает язык мой словеса Твоя, яко вся заповеди Твоя правда. Да будет рука Твоя еже спасти мя, яко заповеди Твоя изволих. Возжелах спасение Твое, Господи, и закон Твой поучение мое есть. Жива будет душа моя, и восхвалит Тя, и судьбы Твоя помогут мне. Заблудих, яко овча погибшее: взыщи раба Твоего, яко заповедей Твоих не забых (Пс.118:169-176).

К Тебе возведох очи мои, живущему на небеси (Пс.122:1).

Возврати, Господи, пленение наше, яко потоки югом (Пс.125:4).

Из глубины воззвах к Тебе, Господи, Господи, услыши глас мой. Да будут уши Твои внемлюще гласу моления моего. Аще беззакония назриши, Господи, Господи, кто постоит? Яко у Тебе очищение есть (Пс.129:1-3).

Помяни, Господи, Давида, и всю кротость его (Пс.131:1).

Господи, воззвах к Тебе, услыши мя: вонми гласу моления моего, внегда воззвати ми к Тебе. Да исправится молитва моя, яко кадило пред Тобою, воздеяние руку моею, жертва вечерняя. Положи, Господи, хранение устом моим, и дверь ограждения о устнах моих. Не уклони сердце мое в словеса лукавствия, непщевати вины о гресех, с человеки делающими беззаконие (Пс.140:1-4).

Сохрани мя от сети, юже составиша ми, и от соблазн делающих беззаконие (Пс.140:9).

Гласом моим ко Господу воззвах, гласом моим ко Господу помолихся. Пролию пред Ним моление мое, печаль мою пред Ним возвещу (Пс.141:2-3).

Господи, услыши молитву мою, внуши моление мое во истине Твоей, услыши мя в правде Твоей, и не вниди в суд с рабом Твоим, яко не оправдится пред Тобою всяк живый. Яко погна враг душу мою, смирил есть в землю живот мой, посадил мя есть в тёмных, яко мертвыя века. И уны во мне дух мой, во мне смятеся сердце мое. Помянух дни древния, поучихся во всех делех Твоих, в твотворениих руку Твоею поучахся. Воздех к Тебе руце мои, душа моя, яко земля безводная Тебе. Скоро услыши мя, Господи, исчезе дух мой; не отврати лица Твоего от мене, и уподоблюся низходящым в ров.

Слышану сотвори мне заутра милость Твою, яко на Тя уповах. Скажи мне, Господи, путь, воньже пойду, яко к Тебе взях душу мою. Изми мя от враг моих, Господи, к Тебе прибегох. Научи мя творити волю Твою, яко Ты еси Бог мой. Дух Твой Благий наставит мя на землю праву. Имене Твоего ради, Господи, живиши мя; правдою Твоею изведеши от печали душу мою. И милостию Твоею потребиши враги моя, и погубиши вся стужающыя души моей; яко аз раб Твой есмь (Пс. 142).

Услыши, Господи, очисти, Господи, вонми, Господи, и сотвори, и не закосни Тебе ради (Дан.9:19).

Птица-синица: история девочки, для которой чужие люди стали мамой и папойЗона РИСКА29 февраляПсалмы о помощи детям!Что такое псалом?Вот наследие от Господа: дети; награда от Него – плод чрева.УТЕШИ НАС, ГОСПОДИ!29 февраля

Друзья, не забывайте молиться Господу, Пресвятой Богородице, святым и Ангелам-хранителям! Никогда, ни при каких обстоятельствах не сдавайтесь! Будьте счастливы и здоровы!

Оставьте ответ

Ваш электронный адрес не будет опубликован.